სასწავლო პროექტის გეგმა

სასწავლო თემის ავტორი
სახელი და გვარი	მარინა კერვალიშვილი
რაიონი	ონი
სკოლა	სსიპ სიმონ სხირტლაძის სახელობის ონის საჯარო სკოლა
ქალაქი	ონი
თემის  მონახაზი
თემის  დასახელება
ზემო რაჭის კურორტები
თემის შინაარსი
მოსწავლეები მოიძიებენ მასალას ონის რაიონის კურორტების,კერძოდ უწერისა და შოვის კურორტების შესახებ. დაამუშავებენ ტურისტული მარშრუტების მიმართულებებს,  მოიძიებენ შესაბამის ფოტო მასალას, შექმნიან გზამკვლევს. გზამკვლევს განათავსებენ ინტერნეტ სივრცეში (ინტერნეტ ბლოგი), მიაწვდიან  მოძიებულ ინფორმაციას საოჯახო ტიპის სასტუმროებს უცხოელი სტუმრებისათვის;
საგანი
ინგლისური ენა
დონე/კლასი
საბაზო-საშუალო საფეხური, X-ე კლასი,დონე IV
განხორციელების დროის ჩარჩო
3 კვირა
თემის საფუძვლები
შინაარსობრივი სტანდარტები და ინდიკატორები
უცხ.ს.IV.28. მოსწავლეს შეუძლია ინფორმაციის დამუშავება მისი დამახსოვრებისა და ეფექტურად გამოყენების მიზნით. შედეგი თვალსაჩინოა, თუ მოსწავლე: ·         აღქმა-დამახსოვრების ხელშესაწყობად მიმართავს ინფორმაციის ორგანიზების სხვადასხვა ხერხს (სემანტიკურ რუკას, სქემატურ ჩანაწერებს, ტაბულას, გრაფიკს, მონაცემთა ბაზას და სხვა), ავლენს ლოგიკურ კავშირებს ინფორმაციის სხვადასხვა ნაწილებს შორის; ·         სხვადასხვა პარამეტრის მიხედვით ახარისხებს/აჯგუფებს მოპოვებულ ინფორმაციას.
შეიტანეთ პრიორიტეტების მიხედვით დაწყობილი ამოცანები, რომელთა შეფასებაც განსაზღვრულია თემის ფარგლებში და რომელთაც მოსწავლეებმა თემის დამთავრების შემდეგ უნდა მიაღწიონ.
მიმართულების მიმცემი საკვანძო შეკითხვები
ზოგადი კითხვა		ზაფხულში სად ისვენებთ ხოლმე? ზღვაზე უფრო გირჩევნიათ დასვენება თუ მთაში?
თემატური კითხვები		საქართველოს რომელი კურორტები იცით? რომელი მათგანი გინახავთ?
შინაარსობრივი კითხვები		თქვენი აზრით დასვენების პირობების მხრივ,რომელ კურორტს ანიჭებენ უპირატესობას უწერას თუ შოვს? რა აქვთ საერთო ამ ორ კურორტს?

შეფასების გეგმა

შეფასების დროის ჩარჩო

პროექტზე მუშაობის დაწყებამდე მოსწავლეები მუშაობენ პროექტებზე და ასრულებენ დავალებებს პროექტზე მუშაობის დასრულების შემდეგ დაკვირვება გონებრივი იერიში დაკვირვება პორთფოლიო ახალი სიტყვების გაცნობა პრეზენტაცია შეფასების რუბრიკა

შეფასების/შეფასების ინსტრუმენტების მოკლე მონახაზი

პროექტის დაწყებამდე გონებრივი იერიშით ვიკვლევ მოსწავეთა საჭიროებებს, ინტერესებს და შესაძლებლობებს. მიმდინარეობისას ვეცნობი მოსწავლეთა ნამუშევრებს პორთფოლიოში და განვიხილავთ ახალ ლექსიკურ ერთეულებს,მივუთითებ წყაროებს, ვუსწორებ შავ ნაწერს . საბოლოოდ მოსწავლეების მიერ წარმოდგენილ პრეზენტაციას და გაწეულ მუშაობას ვაფასებ შეფასების რუბრიკით; ვაჯამებთ პროექტს პორთფოლიოებითა და პრეზენტაციით;

სხვა საკითხები

საბაზისო უნარ-ჩვევები

მოსწავლეთა სამეტყველო მარაგში არის საკმაო რაოდენობით საგნის ნიშან-თვისებების აღმნიშვნელი  ლექსიკური ერთეულები,რომლებსაც მოსწავლეები გამოიყენებენ ახალი ტექსტის შესაქმნელად.ამ დონეზე,მოსწავლეებს სხვადასხვა გაცვლითი პროგრამების მეშვეობით კონტაქტები აქვთ დამყარებული უცხოელ თანატოლებთან.საჭიროების შემთხვევაში შეუძლიათ მათთვის წერილის მიწერა.მოსწავლეები ფლობენ ისტ-ის ტექნოლოგიებთან ურთიერთობის უნარ-ჩვევებს (ტექსტურ რედაქტორში მუშაობა,მეილის გაგზავნა,ბლოგის შექმნა და ა.შ)

სასწავლო პროცედურები

ინფორმაციის მოძიება-მოსწავლეებმა ინტერნეტსა და წიგნებში მოვიძიეთ ტექსტური და ფოტო-მასალა ონის რაიონის ადგილმდებარეობის,მისი კურორტების კერძოდ უწერისა და შოვის კურორტების შესახებ. მარშრუტების დამუშავება-ადგილობრივ მოსახლეობასთან ერთად გავიარეთ სხვადასხვა გზები და ბილიკები.გავაკეთეთ მარშრუტების გრაფიკული გამოსახულებანი. გზამკვლევის ელექტრონული ვარიანტის შექმნა-განსაკუთრებულად ნიჭიერმა მოსწავლეებმა ზაურ გამყრელიძემ და ნინო ბერიშვილმა დაამუშავეს ტექსტის ქართული ვარიანტები, გადათარგმნეს ინგლისურად. პედაგოგთან კორექტირების შემდეგ შექმნეს გზამკვლევის ელექტრონული ვარიანტი. გზამკვლევის   დაბეჭვდა-მოსწავლეებმა შეძინეს  საბეჭდი ფურცლები (A4). დირექციის დახმარებითა და მხარდაჭერით მოხერხდა  ოცი ეგზემპლარის ფერადი ვარიანტის დაბეჭდვა; ინფორმაციის ინტერნეტში განთავსება-სსსმ მოსწავლის დახმარებითა და მონაწილეობით მოსწავლეთა ჯგუფმა     გზამკვლევი განათავსა  ინტერნეტ სივრცეში (facebook.com); გზამკვლევის გავრცელება-მოსწავლეთა  მიერ შექმნილი გზამკვლევები დარიგდა  ქალაქ ონში და ახლომდებარე სოფლების საოჯახო და ჩვეულებრივი ტიპის სატუმროებში; ბავშვებმა მენეჯერებს სთხოვეს, უცხოელი ტურისტებისათვის ბროშურების უსასყიდლოდ გადაცემა; პროექტის შეჯამება-პროექტი შეჯამდა სკოლის დირექციასა და პედაგოგებთან ერთად.მოსწავლეებმა გაიხსენეს რა იყო საინტერესო,სახალისო,რთულად  ის პრობლემები რომელთა მოგვარებაზე მომავალში კვლავ იზრუნებენ;

დიფერენცირებული სწავლება
	სპეციალური საჭიროებები	კლასში არის სსმპ მოსწავლე, რომელიც კარგად ფლობს ისტ ტექნოლოგიებს და მას დაეკისრება ისტ უზრუნველყოფა;
	არაინგლისურენოვანი მოსწავლეები (მოსწავლეები, რომლებისთვის სწავლების ენა არ არის მშობლიური)	ქართულენოვანი მოსწავლეების მიერ ქართულ ენაზე მოძიებულ ინფორმაციას რუსულენოვანი მოსწავლე გადათარგმნის რუსულ ენაზე. გადათარგმნილი ტექსტი განთავსდება გზამკვლევში;
	მაღალი აკადემიური მოსწრების მოსწავლეები	მაღალი აკადემიური მოსწრების მოსწავლეები ქმნიან მცირე მოცულობის თემატურ  ტექსტებს, საბოლოო კორექტირება შეაქვთ სხვა მოსწავლეთა მიერ გადათარგმნილ ტექსტებში;  საბოლოოდ პრეზენტაციის სახით წარადგენენ პროექტს;
სასწავლო თემისთვის საჭირო მასალები

ტექნოლოგია – ტექნიკა (მონიშნეთ პროექტისათვის  საჭირო ტექნოლოგიური უზრუნველყოფა)
ფოტოკამერა  კომპიუტერი (ები)  ციფრული კამერა  DVD ფლეიერი  ინტერნეტკავშირი	ლაზერული დისკი  საბეჭდი მანქანა/პრინტერი  პროექტორი  სკანერი  ტელევიზორი	VCR, ვიდეო  ვიდეოკამერა  ვიდეო საკონფერენციო აღჭურვილობა.  სხვა
ტექნოლოგია – პროგრამული უზრუნველყოფა (მონიშნეთ პროექტის ფარგლებში გამოყენებული პროგრამა/პროგრამები )
მონაცემთა ბაზა/ცხრილები  საგამომცემლო პროგრამები  ელფოსტის პროგრამა  ენციკლოპედია კომპაქტდისკზე	ფოტო/სურათების დამუშავება  ინტერნეტძიება  მულტიმედია	ვებგვერდის შექმნა  ვორდის პროგრამა  სხვა

ბეჭდვითი მასალები	შეგიძლიათ იხილოთ ბიბლიოგრაფიის ჩანართში
ინვენტარი/მასალები	მარკერები,ფლორმასტერები,ქაღალდი
ინტერნეტრესურსები	იხილეთ საავტორო უფლებების ჩანართში
სხვა რესურსები	საველე ვიზიტები,ადგილობრივი თემის/საზოგადოების წარმომადგენლები